På Vestlandet og spesielt Voss, finn me ein heilt unik gjærkultur kalla Kveik. Kveik betyr tenna eller setja liv. Det er det gjæren gjere i vørteren, den skapar liv gjennom å produsera alkohol og karbondioksid. Kveiken finn ein på gardar på vestlandet, der ølbrygginga har ubrotne tradisjonar. Voss Fellesbryggeri har vore på 2 gardar på Voss og henta denne urgjæren for å bruka den i produksjonen vår. Kveiken gjærar på ein mykje høgare temperatur enn andre ølgjærar, og skapar eit fruktig og spenstig smak og aromabilete. Den kan minna om tropiske frukter, sitrus og grape.
Me kokar fleire av øla våre i koparkjelen som forfedrane til Rune brygga ølet sitt på. Me fyrer med open flamme for å få med røyk og karamellisering gjennom lang koking. Nokon av øla våre har sparkje (einer) med i oppskrifta, og det er endå eit steg i retning av det gode norske ølet. Sprakje vert hausta og trekt i varmt vatn natta over. Dette vatnet vert brukt til bryggevatn dagen etter. Sparkje skapar en fin fruktig smak og ein fin farge på ølet.
Voss er staden for dei gode opplevingane, men ølet frå Voss vil skapa gode opplevingar langt utover Voss sine grenser. Tek du turen til Voss, kan du tinga deg ølsmaking med Voss si beste utsikt.
