Bakgrunnen for Lom bryggeri var drift av lokalmatbutikk i Lom sentrum der det viste seg å vere stor interesse for småskala øl, fyrst og fremst frå Gudbrandsdalen og Sogn. Bryggar var tilsett og det vart oppretta eit minibryggeri i ein kjellar i påvente av at fjoset og låven på garden Grjotheim vart ombygt til bryggeri. Denne perioda var det også samarbeid med Tya og Balder slik at vi fekk produsert øl til å halde drifta i gang.
Lom bryggeri starta brygging i eige hus hausten 2016 med 10000 liters gjæringskapasitet. Sidan den gongen har det vore gjort fleire utvidingar både bygningsmessig og utstyrsmessig. Nå har Lom bryggeri ein samla gjæringskapasitet på mellom 60 og 70 000 lilter.
Vår fyrste bryggjar var frå Tyskland og insisterte på brygging av lager. Dette ha Lom bryggeri halde fast på og i dag har bryggeriet eit 20-tals sortar, utelukkande lagerøl. Det bli i så stor grad satsa på ein lokal identitet både når det gjeld profil, namn på øl, historie og ikkje minst råvarer. Bær og urter blir henta frå fjell og dal og tilført ølet. I tillegg er bygg frå Skjåk og lokal humlestamme viktige ingrediensar i fleire av ølsortane.
Lom bryggeri har til nå tre sterkølvariantar, men ser for seg å utvide dette sortimentet framover. Ølet blir tappa på 0,5 liters glassflasker med unntak av nokre batchar på boks.
