Kinn Bryggeri blei etablert i 2009 av heimebryggjar Espen Lothe og kona Ann-Magritt Banne. Espen var ein del av det norske heimebyggjarmiljøet, og tidleg på 2000-talet starta fleire av ølpionerane i dette miljøet sine eigne handverksbryggeri. I 2009 stod eit meir eller mindre «heimesnikra» brygghus laga av gamle meieritankar ferdig i eit lokale i sentrum av Florø. Kinn Bryggeri tok namnet frå øya Kinn i den vakre Florø-skjærgården, og logoen er Kinnaklova, eit karakteristisk seglingsmerke for sjøfolk i tusenvis av år.
Det produseres øl på «gamlemåten» gjennom gjæring i opne kar. Vi har eit moderne produksjonsanlegg, men hausting av gjær frå dei opne gjæringskara gjer at ein kjem nær produktet. Våre produkt er korkje pasteuriserte eller filtrerte og dei fleste av øla er flaskemodna, det vil seie at dei får utvikle kolsyre på flaskene. Dette er ein tid- og ressurskrevjande prosess, men for Kinn Bryggeri er det dette som er «ekte handverk», og vi meiner at ein kan kjenne igjen Kinn-smaken på tvers av ølstilane.
Kinn har heile vegen hatt eit sterkt fokus på kombinasjonen mat og øl, noko nettsida vår speglar med ein eigen matfinnar. Vi lagar i hovudsak klassiske øl i belgisk og engelsk stil, men også humlesterke øl i amerikansk stil. I det gamle bryggeriet i sentrum av Florø har vi testbryggeriet vårt der vi testar ut nye råvarer og oppskrifter. Her får Espen utfolde seg og drive med det han aller helst har lyst til: Skape nye og spennande øl «på gamlemåten».
