Gardsbrenneriet held til på solrike og lune Hauge på nordsida av Gloppefjorden i Nordfjord. På garden er det ypperlege vekstvilkår for frukt og bær og tradisjonar for fruktdyrking heilt tilbake til 1800-talet. Garden har i dag ein stor økologisk eplehage med nærare 4000 epletre som dannar basis for eplemost og siderproduksjonen deira. Staden hvor garden ligger har til og med sin eigen historiske eplesort. Haugeeple er eit friskt og aromatisk eple som Gardsbrenneriet har poda tre av og planta ut for å dyrke eplesorten til bruk i drikkevarer.  

Unike smakar av naturlege råvarer

Sivilingeniørane Synnøve og Jann tok over odelen på garden i 2010 for å satse på produksjon av drikkevarer basert på råvarer frå landbruket. Det var naturleg å lansere brennevin og likørar basert på frukt og bær som ei første satsing. I åra etter er produktporteføljen stadig utvida og inneheld no eit vidt spenn av ulike alkoholfrie og alkoholhaldige drikkevarer der dei gode råvarene alltid står i fokus. Her blir produsert alt frå forskjellige eplemostar til brus, seltzer, cokctails, sider, likørar og brennevin og dei brukar norske råvarer som eple, plommer, bringebær, rabarbra, solbær, rips, jordbær og morellar. Noko av råvarene dyrkar dei sjølv. Garden har også lange tradisjonar for grønsaksdyrking og dyrkar enkelte av urtene som inngår i gin- og akevittprodukta sjølv. Mykje av frukta, bæra og urtene som vert nytta i produkta blir også levert frå lokale produsentar i regionen eller hausta inn frå den frodige vestlandsnaturen.

Teknologi og innovasjon

Heile prosessen frå behandling av råvarer til tapping av ferdig produkt skjer på Sandane i Gloppen. Gardsbrenneriet har utvikla eigne metodar, prosessar og smakar. Dei har mellom anna utvikla sin eigen prosess for småskala omdanning av myse til brennevin. I 2019 lanserte dei Norges første gin basert på mysebrennevin som ein hyllest til Dagros og norsk landbruk. I det ferskaste og så langt villaste prosjektet til Gardsbrenneriet så dyrkes sukkerbetar på garden som vidareforedlast til velsmakande norsk rom! Fellesnemnaren for alle produkta til Gardsbrenneriet  er fokuset på vidareforedling av norske landbruksprodukt av høg kvalitet til nydeleg drikke.